Allah dhuljalal ne mujhe betey se nawaza tha. Ek haftey ke liye apne betey ko naam nahin de saka kyu ke mai apne peer shaykh seyyid Muhammad Rashid al huseyni q.s se naam lena chahta tha. Jaise hi mujhe mauqa mila mai apne shaykh q.s ke gaanv  phncha aur unke samne hazir Hua aur mere betey ke bare me khabr di aur uske naam ki talab bhi ki. Mere peer o murshid me farmaya ke unka naam “Nurullah” hoga.


Ziyarat mukammal hone ke baad mai us gaanv se nikal pada aur apne ghar jo abayi sheher “Siirt” naam ke muqaam par mawjuud tha wahan aa pohncha. Mai ne apne gharwalo se kahan ke mere peer o murshid shaykh seyyid Muhammad Rashid q.s ne mere betey ka naam “Nurullah”rakhha. Mere gharwalo ne tabsirah kiya aur kaha ke shaykh q.s ne jo naam diya wo achha hai lekin humare betey ka naam nurettin rakhha jaaye toh hum bohat khush hongey aur fir mujhse ajiz hue ki dono hi naam ek jaise bhi hai.

Phir bhi mai apne ghar walo se bohat israr kiya ki hamare betey ka naam “Nurullah” hi hona chahiye. Mai mere ahle khana ko razi nahi karsaka lehaza humne apne betey ka naam nurettin rakha. Dar-asl is haqeeqat ke wajah se ke mere ahle khana ke aman ko kharab nahin karna chata, maine kuch bhi nahi kaha.

Jab tak ke mera beta 8 Mahine tak phncha, Isey kayee beemariya jaise tez bukhar, dast aur wazn me kami ka saamna karna pada. Hum apne betey nurettin par bohat zyada tawajjoh de rahe thhey. isi Dauran mujhe “bursa” sheher jana pada. Lehaza, mere gharwalo ko saqt nasihat ki ke mere betey ka khoob khayal rakhey, isey thand na lagney dein, agar sehat bigadney lagey toh doctor ke pas lejaney me taqeer na karein. Apne ghar walo ko saqt wazahat karne baad bhi mai asodah nahi tha.

Mai jab bursa me thha, mere dost jo bursa ke muqaami thhey, onhoney mujhe aadu ka phal, jo bursa ka mashuur phal hai apne betey ke dast liye tajweez kiya. Mai ne aadu ke phal ka ek tokra bus me rakha aur chal pada. Jab hum bus ke zariye “adana” shehar pohnchey toh humein dusri bus me muntakhil karne ke liye waqfa liya gaya. Jab hum bus transportation ke daftar me thhey toh humein apne samaan ke saat, aadu k phalon ki tokri samet Deegar bus’on me muntaqil kardiya gaya jo mere shehar Siirt jaane wale thhey. Us waqt Maine dekha ki mere aadu falon ki tokri gum hochuki hai. Isliye ke wo mere mareez me mubtila betey ke liye thhey mujhe bohat gussa aya. Is hadse ke baad, bus transport me kaam karne waale ahlkaaro se shikayat ki toh unhone mujhe ek aadu ki tokri khareed kar di aur maine kaha ke yeh mere khoye hue aadu ki tokri ka mutabadil hargiz nahi hosakta, akhirkar maine use kabool kiya aur apne samaan me saat usey bus me rakhdiya. Jab mai apne sheher siirrt pohncha toh dekha ke wo adu ko tokri jo transport office walon ke janib se di gayi thhi wo bhi waha se gum hogayi thhi. Maine driver aur conductor ko dobara apni dusri phal ki tokri gum hone ki shikayat ki toh wo log mujhe yeh keh kar samjhane lagey ki wo sirf ek adu ki tokri thhi aur agar apko yeh phal hi chahiye toh siirtt me bhi behtareen kism ke adu dastyab hai hum waha se khareedlengey. mai ne kaha ke aadu ke khususiyat ki baat nahi lekin wo mere beemar betey ke liye tha aur mujhe inhse behas na karna tha toh mai apna hisaab kar apne ghar lautgaya.

Haji idress ke ahliya, is waqia ka hissa sunati hai ki;

Mere shohar kuch kaam se safar ke dauran teen din bursa me mawjuud thhe. Jis din woh ghar se nikley, usi subah humare bete nurettin ka wisaal hogaya tha. maine chaha ke apne shohar ko is baare me bata kar pareshan na karun aur maine unhey khabr na di. Do din baad jab wo ghar wapas lautey , unhoney fauran hi apna rukh apne bachhey ke jhuuley ki janib kiya. Jhuula khali dikhney par unhone meri taraf dekha aur mai zaar o katar rone lagi. unhoney kuch nahi kaha, sirf itna kaha ke allah pak humare peer o murshid ki umr daraaz kare.

Haji idrees apna waqia mukammal kartey hue kehte hai ki;

Iss waqia ke kuch arse baad Allah tala ne mujhe aur ek betey se nawaza. aur is dauran mai apne pehle betey ke baareme bhuul chuka tha. Mai apne sheykh q.s ki ziyarat ke liye nikal pada aur apke samne hazir hua. Maine Aap q.s se arz kiya ki “Allah paak ne mujhe betey se nawaza” aur uska naam rakhne ki ilteja bhi ki. Peer o murshid ne kuch der ka waqfa liya aur kaha “Idrees…”, mai arz kiya “apka jo bhi hukm ho mere peer”,  Toh farmaya humne is betey ka naam “Nurettin” nahin “Nurullah” rakhha.